Xabarovskda O‘zbekiston fuqarosi yirik YTH sababchisi bo‘ldi
Xabarovsk—Naxodka avtoyo‘lining (Rossiya) to‘qqizinchi kilometrida Honda avtomobili qarama-qarshi yo‘lda boshqa bir mashinaga urilishi oqibatida 4 kishi jabrlandi. Bu haqda “1news.uz” xabar bermoqda.
“Yo‘l-transport hodisasi tungi payt “Topolevo” va “Mirnoye” qishloqlari oralig‘ida ro‘y berdi. Honda qarama-qarshi yo‘lga chiqib ketib, universalga borib urildi. To‘qnashuv oqibatida ikki haydovchi va ikki yo‘lovchi jabrlandi. Avariya sababchisi bo‘lgan avtomobil haydovchisining yonida o‘tirgan voyaga yetmagan qiz jiddiy jarohatlar oldi”, — deya ta’kidladi Xabarovsk tumani yo‘l harakati xavfsizligi bo‘limi xodimi Aleksey Yust.
Honda avtomobilini o‘zga kishining hujjati bilan O‘zbekiston fuqarosi boshqargani aniqlandi. Ikki haydovchi ham mast bo‘lmagani aytilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Добавить комментарий!
- отсутствуют