Vigodagi g‘alaba sabab “Yunayted” bir oyog‘i bilan Yevropa ligasining finalida

Joze Mourinyo boshchilik qilayotgan Angliyaning “Manchester Yunayted” futbol klubi Yevropa ligasining finali sari birinchi qadamni tashladi.

Yarim finalning ilk uchrashuvini Vigoda “Selta”ga qarshi o‘tkazgan “mankunianlar” Markus Reshfordning yagona goli evaziga zafar quchdi. Tomonlarning javob o‘yini 11-may kuni bo‘lib o‘tadi.

Ma’lumot uchun, “Yunayted” nimchorak va chorak final bellashuvlarining safar o‘yinlarida 1:1 hisobini qayd etib, raqiblarini “Old-Trafford”da taslim qilayotgandi. Bu safar esa mehmondagi o‘yinning o‘zidayoq manchesterliklarga omad kulib boqdi.

Yarim finalning birinchi to‘qnashuvida Gollandiyaning “Ayaks” klubi Fransiyaning “Lion”i ustidan 4:1 hisobida zafar quchgandi.

Yevropa ligasi
Yarim final
4-may, payshanba

Gol: Markus Reshford, 67 (0:1).

“Daryo” yangiliklarini “Odnoklassniki”da kuzatib boring