“Navbahor” chempiondan ochko oldi. “Bunyodkor”dan keyin “Lokomotiv”da ham qoqilish

O‘zbekiston Oliy ligasining 9-turi “Bunyodkor”ning “Metallurg”ni mag‘lub eta olmasligi bilan boshlangandi. Tur mamlakatning amaldagi chempioni “Lokomotiv”ning ochko yo‘qotishi bilan davom etdi.

Namanganda “Navbahor” mehmoni bo‘lgan “temiryo‘lchilar” 2:2 hisobida durang o‘ynadi. Sardor Mirzayev hamda Marat Bikmayev tomonidan urilgan gollarga mezbonlar javob qaytarishga muvaffaq bo‘ldi.

8 ta o‘yinda maydonga tushgan “Lokomotiv” 19 ochko bilan turnir jadvalida peshqadam bo‘lib turibdi. Mirko Yelichich boshqarayotgan klub G‘uzorda “Sho‘rtan”dan yengilgandi va mana endi Namanganda ochko yo‘qotdi.

“Navbahor” hisobida esa 15 ochko bor. Klub kuchli uchlikni yakunlab turibdi.

O‘zbekiston Oliy ligasi
9-tur o‘yini
4-may, payshanba

Gollar: Dilshod Jabborov, 16, (1:0). Sardor Mirzayev, 24 (1:1). Marat Bikmayev, 42 (1:2). Aziz Turg‘unboyev, 47 (2:2).

“Daryo” yangiliklarini “Odnoklassniki”da kuzatib boring