Xitoyda san’at asarlarining soxta savdosi yordamida 145 mln dollar to‘plagan firibgarlar fosh etildi

Xitoy politsiyasi onlayn-platforma orqali san’at asarlarining soxta savdosi yordamida 1 milliard yuan (145 million dollar) to‘plashga erishgan yirik firibgarlik tarmog‘ini fosh etdi. Bu haqda “TASS” xabar bermoqda.

Global Times nashriga ko‘ra, politsiya bir paytning o‘zida Shenchjen, Dunguan, Xoychjou va Shenyan shaharlarida keng ko‘lamli maxsus operatsiyalar o‘tkazdi va 371 nafar gumonlanuvchini qo‘lga oldi. 

Tergovchilarning aniqlik kiritishicha, savdolar boshdan-oyoq qalbaki bo‘lgan, chunki firibgarlar o‘zlari sotuvga qo‘ygan biron bir buyumga egalik qilmagan. Biroq bu ularga foydalanuvchilar amalga oshirgan operatsiya va bitimlardan ulush olishlariga xalaqit bermadi. 

Onlayn-platforma 2016-yil oktabridan beri faoliyat ko‘rsatib kelgan. Shu paytgacha 8 mingdan ortiq kishi firibgarlar qurboni bo‘lgan. 

“Daryo” yangiliklarini “Odnoklassniki”da kuzatib boring