Venesuelada hukumatga qarshi namoyishlarda halok bo‘lganlar soni 37 kishiga yetdi

Venesuelada hukumatga qarshi namoyishlar davomida halok bo‘lganlar soni 37 kishiga yetdi. Bu haqda mamlakat muxolifati yetakchisi Enrike Kapriles ma’lum qildi, deya xabar beradi “RBK”.

Kaprilesga ko‘ra, ikki yigit halok bo‘ldi. Ulardan biri Suliya shtatidagi namoyishlar davomida qornidan o‘q yegan. Ikkinchisiga esa Valensiya shahridagi aksiya chog‘ida boshiga o‘q uzilgan.

Mavzuga doir: Venesuelada namoyishchilar Ugo Chavesning haykalini buzib tashladi

Oldinroq El Universal nashri Venesuela prokuraturasiga tayanib, mamlakatda bir oy mobaynida hukumatga qarshi namoyishlar chog‘ida 35 kishi o‘ldirilgani, 717 kishi jarohatlanganini ma’lum qilgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!