Bahrom Qo‘chqorov Ekologiya davlat qo‘mitasi raisi etib tayinlandi

O‘zbekiston Prezidenti 5-maydagi farmoni bilan Bahrom Qo‘chqorovni Ekologiya va tabiatni muhofaza qilish davlat qo‘mitasi raisi etib tayinladi. Bu haqda “Gazeta.uz” xabar bermoqda.

Bahrom Qo‘chqorov bungacha O‘zbekiston Prezidentining siyosiy-huquqiy masalalar bo‘yicha davlat maslahatchisi birinchi o‘rinbosari — Prezidentning Yuridik xizmati rahbari lavozimida ishlab kelayotgan edi.

Ma’lumot uchun, Ekologiya va tabiatni muhofaza qilish davlat qo‘mitasi 2017-yil aprel oyi oxirida Tabiatni muhofaza qilish davlat qo‘mitasi negizida tashkil etilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!