Obama prezidentlikdan ketganidan beri birinchi marta siyosiy nutq irod qildi

AQShning sobiq prezidenti Barak Obama Bostondagi Jon Kennedi kutubxonasida “Jasorat kesimi” mukofotining tantanali topshirilish marosimida siyosiy nutq so‘zladi. Bu haqda Meduza xabar bermoqda.

O‘z chiqishi chog‘ida Obama asosan siyosat haqida so‘z yuritdi, shuningdek, sog‘liqni saqlash masalasiga ham to‘xtalib, Senatni to‘g‘ri tanlov qilishga chaqirdi. Uning bu so‘zlari Senatda sog‘liqni saqlash tizimidagi o‘zgarishlar yuzasidan o‘tkaziladigan ovoz berish bilan bog‘liqligi aytilmoqda: ushbu ovoz berish natijalariga ko‘ra Obama tomonidan joriy etilgan Obamacare tizimi bekor qilinishi mumkin.

O‘z chiqishida Obama Trampni tanqid qilmadi va uni umuman tilga olmadi. U zamonaviy dunyoda jasoratning ahamiyati haqida gapirdi.

“Daryo” yangiliklarini “Odnoklassniki”da kuzatib boring