Mahmud Abbos Donald Tramp bilan uchrashuvi natijalari haqida ma’lum qildi
Falastin milliy ma’muriyati (FMM) boshlig‘i Mahmud Abbos AQSh prezidenti Donald Tramp 23-may kuni Vifleemga tashrif buyurishini ma’lum qildi. Bu haqda RT Arabic telekanaliga tayanib, “RIA Novosti” xabar berdi.
Avvalroq, Tramp FMM boshlig‘i Mahmud Abbosning taklifini qabul qilib, bir oy davomidagi ikkinchi uchrashuvga rozi ekanligini bildirgan edi. Bundan avvalgi uchrashuv Vashingtonda bo‘lib o‘tgan.
Uchrashuvimizdan so‘ng u 23-mayda Vifleemga tashrif buyurishga qaror qildi. Bizning va uning tashrifi oralig‘ida o‘zimiz va Isroil uchun zarur bo‘lgan barcha narsani o‘rganishni boshlash maqsadida ekspertlar yoki komissiya darajasida ko‘plab uchrashuvlar bo‘lib o‘tadi.
Mahmud Abbos
Bundan tashqari Abbos o‘zining Tramp bilan uchrashuvi ijobiy bo‘lib o‘tganini qo‘shimcha qildi.
“Uchrashuv minumum darajada foydali bo‘lib o‘tdi, chunki biz unga Falastindagi vaziyat va o‘z talablarimiz haqida batafsiz tushuntirishlar berdik”, — dedi FMM boshlig‘i.
“Daryo” yangiliklarini “Odnoklassniki”da kuzatib boring