OAV: Afg‘onistondagi madrasada ro‘y bergan portlash oqibatida to‘qqiz kishi halok bo‘ldi

Afg‘onistonning Parvon viloyatidagi madrasada kuchli portlash ro‘y berdi. Bu haqda Tolonews telekanali ma’lum qildi, deb xabar berdi “TASS”.

Kanalning ma’lumotlariga ko‘ra, to‘qqiz kishi — mahalliy diniy maktab boshlig‘i va sakkiz nafar o‘quvchi halok bo‘lgan. Portlovchi qurilma o‘quv mashg‘uloti vaqtida sinf xonasida ishga tushgan. Jarohat olganlar to‘g‘risida ma’lumot berilmadi.

Biror terrorchilik tashkiloti portlash bo‘yicha mas’uliyatni o‘z zimmasiga olmadi.

“Daryo” yangiliklarini “Odnoklassniki”da kuzatib boring