Nyu-Yorkda Obamaning ijarada yashagan uyi sotuvga qo‘yildi (foto)

Nyu-Yorkda AQShning 44-prezidenti Barak Obama bir necha yillar davomida ijarada yashagan uy sotuvga qo‘yildi, deb xabar berdi Forum Daily.

The Telegraph’ning ma’lum qilishicha, uy uchun 4,3 million dollar so‘ralmoqda.

Xonadon Bruklindagi Park-Sloup hududida joylashgan.

Barak Obama ushbu xonadonda 1980-yillarning o‘rtalarida, Kolumbiya universitetini tamomlaganidan so‘ng istiqomat qilgan. 1985-yilda AQShning bo‘lajak prezidenti Chikagoga ko‘chib o‘tgach, ushbu xonadon qo‘shni xonadon bilan qo‘shib yuborilgan va 358,6 kvadrat metr maydonli to‘laqonli uy hosil qilingan.

Bino 1903-yilda qurilgan, uyda 5 ta yotoqxona va kamin joylashgan mehmonxona mavjud.

“Daryo”ning Telegram’dagi rasmiy kanali — @toshqindaryo’ga a’zo bo‘ling!