“Lokomotiv” ham Chempionlar ligasini “Bunyodkor” kabi sharmandali natija bilan tark etdi

Toshkentning “Lokomotiv” klubi hamshahri “Bunyodkor” kabi Osiyo Chempionlar ligasidagi ishtirokiga yakun yasadi.

“Bunyodkor” 4-turdan keyinoq taqdirga tan bergan bo‘lsa, “temiryo‘lchilar” so‘nggi turga qadar kurash olib bordi va Amirlikdagi yirik mag‘lubiyat sabab xalqaro maydondan chetda qoldi.

“Lokomotiv” navbatdagi bosqichga chiqishi uchun “Al-Ahli”ni taslim qilishi kerak edi. Biroq Mirko Yelichich shogirdlari yirik — 0:4 hisobida yengildi.

Ma’lumot uchun, “Lokomotiv” o‘tgan mavsum Chempionlar ligasidagi eng yaxshi natijasini qayd etib, chorak finalga qadar yetib borgandi.

Shu tariqa Chempionlar ligasida O‘zbekiston klublari qolmadi. “Nasaf” pley-offdayoq taqdirga tan bergan bo‘lsa, Toshkentning ikki klubi guruh bosqichidan nariga o‘ta olmadi.

Chempionlar ligasining kelasi yilgi mavsumida ham O‘zbekiston 1+2 kvotasi bilan harakat qiladi. Mamlakat chempioni guruh bosqichiga to‘g‘ridan-to‘g‘ri yo‘llanma olsa, qolgan ikki klub saralashda ishtirok etadi.

Osiyo Chempionlar ligasi
“A” guruhi. 6-tur
9-may, chorshanba

Gollar: Salmin Hamis, 27 (1:0). Ma’mur Ikromov, 58-avt (2:0). Asamoa Gyan, 72 (3:0). Everton Ribeyro, 77 (4:0).

“Daryo”ning YouTube’dagi rasmiy sahifasiga obuna bo‘ling