Akademik Mirzayev nomidagi institutda harbiy texnika ko‘rgazmasi bir hafta davom etadi

Toshkent viloyatining Zangiota tumanidagi akademik M. Mirzayev nomidagi bog‘dorchilik, uzumchilik va vinochilik ilmiy-tekshirish institutida harbiy texnika va qurol-aslahalar ko‘rgazmasi bir hafta davom etadi. Bu haqda “Gazeta.uz” xabar bermoqda.

Ko‘rgazma 9 may — Xotira va qadrlash kuni munosabati bilan tashkil etilgan.

Bu yerda O‘zbekiston Prezidenti Shavkat Mirziyoyev hamda mamlakatning barcha viloyatlaridan 500 nafar urush va mehnat faxriysi ishtirokida tantanali marosim o‘tkazildi.

Institut bog‘ida 1941—1945-yillar muhiti hukmron — okop va blindajlar qurilgan.

Avtomobillar, tanklar, samolyotlar, zambaraklar, pulemyotlar va boshqa harbiy texnika, qurol-aslahalar namoyishga qo‘yilgan.

“Daryo” yangiliklarini Facebook’da kuzatib boring