OAV: Rossiya Suriyaga 21 ta gaubitsa jo‘natdi

Rossiya o‘tgan haftada Suriyaga Damashq rasmiylariga harbiy yordam tariqasida kamida 21 ta M-30 gaubitsasi jo‘natdi. Bu haqda Pentagon vakillariga tayanib, Fox News telekanali ma’lum qildi, deya xabar beradi “Interfaks”.

Gaubitsalar yuk kemasida Tartus portiga yetkazilgani bildirilmoqda.

Telekanalga ko‘ra, Rossiya Suriyaga uzoq radiolokatsion aniqlash va boshqaruv samolyoti bo‘lgan A-50 ni ham yuborgan.

Yaqin orada mamlakatga S-400 tizimi uchun raketalar turkumi keltirishi kutilmoqda. Shundan so‘ng Suriyada Rossiya qo‘shinlari ixtiyoridagi zenit raketalari soni ikki barobar ko‘payadi.

“Daryo”ning YouTube’dagi rasmiy sahifasiga obuna bo‘ling