Suriyada IShIDga tegishli qurol omboridagi portlash oqibatida 20 kishi halok bo‘ldi

Suriya sharqida IShID terrorchilik guruhiga tegishli qurol omboridagi portlash oqibatida kamida 20 kishi halok bo‘ldi. Bu haqda “Sinxua” agentligiga asoslanib, “TASS” xabar bermoqda.

Xabarda qayd etilishicha, portlash 10-may kuni kechki payt Deyr-ez-Zor shahrida sodir bo‘ldi. Voqeaning boshqa tafsilotlari haqida hozircha ma’lumotlar yo‘q.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!