Kameralar qayd etgan qoidabuzarlik uchun jarima to‘lamagan haydovchilarning mashinalari 16-maydan boshlab jarima maydoniga joylashtiriladi

2017-yil 15-mayda Toshkent shahri chorrahalarida kuzatuv kameralar ishlay boshlaganiga 60 kun bo‘ladi. Shuning uchun qoidabuzarlikni sodir etgan, ammo jarimani to‘lamagan haydovchilarning avtomobillari jarima maydoniga joylashtiriladi. Bu haqda Toshkent shahar IIBBda bo‘lib o‘tgan brifingda ma’lum qilindi.

15-martdan ishlay boshlagan kuzatuv kameralari qayd etgan qoidabuzarliklar uchun jarimalarni qoidabuzarlik haqidagi qarorni olgandan so‘ng 60 kun ichida to‘lash kerak. Jarima belgilangan muddatda to‘lanmagan taqdirda avtotransport vositasi tegishli tartibda jarima maydoniga joylashtiriladi. Haydovchi o‘z mashinasini jarima maydonidan chiqarish uchun jarimani va mashinaning jarima maydonida turganligi uchun joy haqini to‘lashi kerak bo‘ladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!