Yevropa va Markaziy Osiyodagi iqtisodiy o‘sish sur’atlari tezlashmoqda

Yevropa va Markaziy Osiyo (YeMO) mintaqasida iqtisodiy o‘sish sur’atlari 2017-yilda biroz tezlashadi. Bunga mintaqaning sharqiy qismida joylashgan mamlakatlarda neft narxi barqarorlashishi va uning g‘arbiy qismida iqtisodiyotning yanada tiklanishi imkoniyat yaratadi, deb yozadi UzDaily Jahon bankining YeMO mintaqasi iqtisodiyotining holati haqidagi so‘nggi ma’ruzasiga tayanib.

Unga ko‘ra, mintaqadagi iqtisodiy o‘sish sur’atlari butun 2017-yil uchun 1,9 foiz darajasida prognoz qilinmoqda, bu avvalgi prognozdan (oktabrda e’lon qilingandi) 0,3 foizga ko‘proq demakdir; 2018-yilda o‘sish dinamikasi 1,8 foiz darajasida barqaror bo‘lib qoladi.

Ma’ruzada, shuningdek, mintaqada savdoni kuchaytirishga qaratilgan chora-tadbirlar ushbu mo‘tadil iqtisodiy o‘sish natijalarini mustahkamlash uchun o‘ta muhim ahamiyatga ega ekanligi ta’kidlanadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!