Lavrov AQShning Suriyadagi deeskalatsiya zonalarida kuzatuvchi sifatidagi ishtirokini istisno etmadi

Rossiya tashqi ishlar vaziri Sergey Lavrov AQShning Suriyadagi deeskalatsiya zonalarida kuzatuvchi sifatidagi ishtirokini istisno etmadi, deb yozadi “Gazeta.ru”.

“Ostonada imzolangan memorandumda ushbu zonalar amal qilishini ta’minlash uchun uchinchi mamlakatlardan kuzatuvchilar jalb etilishi mumkinligi ko‘zda tutilgan. Bu barcha manfaatdor tomonlar kelishuvi bilan va birinchi navbatda Suriya hukumati uchun maqbul holatda amalga oshirilishi lozim”, — dedi vazir.

Lavrov Rossiya deeskalatsiya zonalarini tashkil etish bo‘yicha memorandumni amalga oshirishda AQShning har qanday ulushini ma’qullashini ta’kidladi.

“Daryo” yangiliklarini “Odnoklassniki”da kuzatib boring