Xitoy rahbari Janubiy Koreyaning yangi prezidenti bilan mintaqa muammolarini muhokama qildi

Xitoy rahbari Si Szinpin Janubiy Koreyaning yangi saylangan prezidenti Mun Chje Inni saylovlarda qozongan g‘alabasi bilan telefon orqali tabrikladi va mintaqa muammolarini muhokama qildi. Bu haqda “TASS” xabar bermoqda. 

Xitoy va Janubiy Koreya qo‘shni hamda mintaqadagi yetakchi davlatlar hisoblanadi. Ikki tomonlama munosabatlar o‘rnatilgandan beri o‘tgan 25 yil mobaynida o‘zaro aloqalar doirasida sezilarli natijalarga erishildi. Biz mazkur an’analarni rivojlantirishda davom etishimiz lozim. 

Xitoy Koreya yarim oroli yadro qurolidan xoli bo‘lishi, tinchlik va barqarorlik ta’minlanishiga intiladi. Shu bilan birga, siyosiy muloqotni mazkur muammo hal etilishining yagona to‘g‘ri yo‘li deb hisoblaymiz”, — deya ta’kidladi Si Szinpin.

O‘z navbatida, Mun Chje In Xitoy bilan faol hamkorlik qilish, ikki tomonlama sheriklik munosabatlarini mustahkamlashga tayyor ekanligini bildirdi. 

“Daryo”ning YouTube’dagi rasmiy sahifasiga obuna bo‘ling