Istanbul birjasining 57 xodimi Gulen bilan aloqalarda gumon qilinib, qo‘lga olindi

Istanbul politsiyasi FETO bilan bog‘liq faoliyatda gumon qilingan shahar fond birjasi xodimlari manzillarida reydlar o‘tkazdi. Bu haqda “TASS” xabar bermoqda.

Reydlar 70 ta manzilda o‘tkazildi, 57 kishi qo‘lga olindi. Istanbul bosh prokuraturasi jami 102 kishini hibsga olish uchun order bergani bildirilmoqda.

Tergovchilarga ko‘ra, mazkur shaxslar yozishmalar uchun FETO tarafdorlari va davlat to‘ntarishiga urinish ishtirokchilarining aksari qo‘llab kelgan ma’lumotlarni shifrlovchi maxsus Bylock dastur-messenjeridan foydalangan.

Ular Fathulloh Gulen tizimlariga tegishli bo‘lgan Bank Asya aktivlari bilan bog‘liq firibgarliklarda ham gumon qilinmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!