Belarus prezidenti maktablarda dars soatini ko‘chirishni taklif qildi

Belarus prezidenti Aleksandr Lukashenko taklifiga binoan mamlakat maktablarida darslar ertalabki soat 9:00 dan oldin boshlanmaydigan qilib belgilanishi mumkin. Bu haqda Meduza xabar bermoqda.

“Biz maktab ishining grafigini o‘zgartirishimiz kerak”, — dedi Lukashenko.

Uning qo‘shimcha qilib aytishicha, ayrim ota-onalar dars soatlarini ko‘chirishga qarshi chiqmoqda.

“Ammo birinchi galda bolalarning sog‘lig‘i hamda ularning o‘zlashtirish darajasi haqida o‘ylash kerak”, — xulosa qildi mamlakat prezidenti.

“Daryo”ning Telegram’dagi rasmiy kanali — @toshqindaryo’ga a’zo bo‘ling!