Koreyalik videoo‘yinlar yozish uchun maktabni tashlab ketdi. Birinchi savdo kuniyoq uning kompaniyasi LG’dan qimmatroq narxga ega bo‘ldi

Janubiy Koreyaning videoo‘yinlar ishlab chiqaruvchi Netmarble Games kompaniyasi birinchi savdo kuni IPO narxiga nisbatan 3,2 foiz qiymat oshirib, uning kapitalizatsiyasi 12,2 milliard dollarni tashkil etdi. Shu tariqa, firma ushbu ko‘rsatkich bo‘yicha LG Electronics’dan oshib ketdi, deb xabar beradi Meduza.

Bloomberg’ning baholashicha, bozor kapitalizatsiyasi bo‘yicha Netmarble o‘yin ishlab chiqaruvchilar o‘rtasida jahonda beshinchi o‘ringa chiqib oldi. Undan yuqoriroqda Sony, Activision, Nintendo va Electronic Arts bor.

Netmarble’ga 2000-yili Pan Jun Xyuk asos solgan. U videoo‘yinlar bilan shug‘ullanish uchun maktabni tashlab ketgan edi.

Kompaniya smartfonlar uchun o‘yin chiqaradi. 2017-yili Lineage II: Revolution chiqqanidan so‘ng u mobil dastur ishlab chiqaruvchilar orasida tushum bo‘yicha uchinchi o‘rinni egalladi.

“Daryo” yangiliklarini Facebook’da kuzatib boring