Nafaqasini ololmayotgan narpaylik pensionerlarning muammosi sayyor qabulda hal etildi

Samarqand viloyati tuman va shaharlarida tashkil etilgan O‘zbekiston Prezidenti devonining Fuqarolar huquqlarini himoya qilish, jismoniy va yuridik shaxslarning murojaatlari bilan ishlashni nazorat qilish va muvofiqlashtirish xizmati mas’ul xodimlarining sayyor qabullarida aholining turli muammolariga yechim topildi. Bu haqda O‘zA xabar bermoqda.

Xususan, Paxtachi tumani Ziyovuddin qo‘rg‘oni aholisining hududda yer osti suvlari ko‘tarilishi oqibatida bino va inshootlarga zarar yetayotgani haqidagi murojaati mutasaddi tashkilotlar tomonidan o‘rganilgan holda muammo bartaraf etiladigan bo‘ldi.

Narpaylik F.Hakimova va I.Ziyotovning nafaqa pullarini vaqtida ololmayotgani to‘g‘risidagi shikoyatiga shu yerning o‘zida yechim topildi.

Qo‘shimcha o‘rganish talab qiladigan masalalar yuzasidan fuqarolarga tushuntirish berildi.

“Daryo” yangiliklarini “Odnoklassniki”da kuzatib boring