Shuhratjon Sotvoldiyev Surxondaryo viloyati IIB boshlig‘i etib tayinlandi

O‘zbekiston Ichki ishlar vazirligi tizimida bir qator lavozim o‘zgarishlari amalga oshirildi. Bu haqda UzNews xabar bermoqda.

Podpolkovnik Davronbek Shorahmedov O‘zbekiston IIV Nazorat-reviziya inspeksiyasi boshlig‘i etib tayinlandi.

Podpolkovnik Erkin Xayitov IIV yuridik ta’minot boshqarmasi boshlig‘i bo‘ldi.

Surxondaryo viloyati IIB boshlig‘i lavozimini Shuhratjon Sotvoldiyev egalladi.

Podpolkovnik Amanbay Orinbayev Qoraqalpog‘iston Respublikasi IIV jinoyat-qidiruv boshqarmasi boshlig‘i etib tayinlandi.

Podpolkovnik Genjebay Seytnazarov Nukus shahar IIB boshlig‘i vazifasini bajarishga kirishdi.

Sardorbek Rahimov Xorazm viloyati IIB huquqbuzarliklar profilaktikasi boshqarmasi boshlig‘i lavozimini egalladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!