O‘rta Chirchiqda yangi tug‘ilgan chaqaloqni sotayotgan ona va go‘dakning buvisi qo‘lga olindi

O‘rta Chirchiq tumanida huquqni muhofaza qiluvchi organlar hamkorligida o‘tkazilgan tadbir natijasida endigina bir necha kunlik bo‘lgan chaqaloq “oldi-sottisi”ning oldi olindi. Bu haqda Toshkent viloyati IIB matbuot xizmati ma’lum qildi.

O‘rta Chirchiq tumani tibbiyot birlashmasiga qarashli tug‘uruqxonada hamshira bo‘lib ishlovchi Gavhar Olimova (ism-shariflar shartli) shu tumanda yashovchi, 1996-yilda tug‘ilgan Gulruh Ochilova va uning onasi Mahbuba Ochilova bilan til biriktiradi.

Ular Gavhar Ochilovaning shu yil 12-aprel kuni tug‘ilgan qiz farzandini O‘rta Chirchiq tumani tibbiyot birlashmasiga qarashli tug‘ruqxona hovlisida 100 AQSh dollari va 900 000 so‘mga sotayotgan vaqtda ushlandi. Endi uchovlon qonun oldida javob beradi.

“Daryo”ning YouTube’dagi rasmiy sahifasiga obuna bo‘ling