Olmazor tumanida qisqa tutashuv oqibatida transformator yonib ketdi

Toshkent shahrida 12-may kuni soat 8:00 dan 13-may soat 8:00 gacha bo‘lgan oraliqda ikkita yong‘in qayd etildi. Bu haqda Toshkent shahar IIBB matbuot xizmati xabar bermoqda.

Jumladan, 12-may kuni soat 15:16 da Uchtepa tumani, Izza ko‘chasi, 6-uyda 20 kvadrat metr maydonida uy jihozlari yongan. Xabar berishlaricha, hozirda yong‘in sabablarini aniqlash ustida ish olib borilmoqda.

Shuningdek, shu kuni soat 20:18 da Olmazor tumani, Beshqo‘rg‘on 4-dahasi, 3-uy oldida TP-3348 sonli transformatorda kabel yongan. Yong‘in elektr simlarida qisqa tutashuv yuz bergani oqibatida kelib chiqqan.

Mazkur hodisalar oqibatida tan jarohati olib, jabrlanganlar shaxslar haqida axborot berilmagan.

“Daryo” yangiliklarini “Odnoklassniki”da kuzatib boring