Uzbek Tigers — Cuba Domadores 1:0. Hasanboy Do‘stmatovdan pochin g‘alaba

WSB chorak finalidan joy olgan Uzbek Tigers va Cuba Domadores to‘qnashuvining birinchi jangi yakuniga yetdi va unda o‘zbekistonlik Hasanboy Do‘stmatov g‘olib chiqdi.

Rio—2016 Olimpiadasida bronza medalini qo‘lga kiritgan Xoanis Arhilagos Peresga qarshi ringga chiqqan olimpiya chempioni o‘z jamoasiga dastlabki ochkoni olib berdi.

Qayd etish kerak, Hasanboy Do‘stmatov Rio—2016 Olimpiadasidan keyin o‘zi ringga chiqqan janglarning birortasida ham imkoniyatni boy bermadi.

Oldinda O‘zbekiston va Kuba to‘qnashuvi doirasida yana 4 ta jang kutib turibdi. Bu to‘qnashuvlarga Samarqanddagi “Mo‘jiza” amfiteatri mezbonlik qilmoqda.

-49 kg: Hasanboy Do‘stmatov — Xoanis Arhilagos Peres — g‘alaba
-56 kg: Murod Ahmadaliyev — Xavyer Ibanyes Dias
-64 kg: Iqbol Xoldorov — Endi Kruz Gomes
-75 kg: Isroil Madrimov — Arlen Lopes Kardona
-91 kg: Sanjar Tursunov — Erislandi Savon

“Daryo”ning Telegram’dagi rasmiy kanali — @toshqindaryo’ga a’zo bo‘ling!