Boris Jonson: Brexit muzokaralarida Bryussel g‘irromlik qiladi

Britaniya tashqi ishlar vaziri Boris Jonson The Telegraph nashriga bergan intervyusida rasmiy Bryussel Buyuk Britaniyaning Yevroittifoq tarkibidan chiqishi bo‘yicha muzokaralarda g‘irrom o‘yin qilishini aytdi. Bu haqda “Kommersant.ru” xabar bermoqda.

“Biz juda ehtiyotkor va mulohazali bo‘lishimiz lozim”, — ta’kidlab o‘tdi u.

Jonsonning so‘zlariga qaraganda, Buyuk Britaniya Bryusselga tovon puli to‘lamay Yevropa Ittifoqidan chiqishga haqlidir. Tovon puli miqdori 80 milliard funt sterlingni (103 milliard dollarni) tashkil qiladi.

“Biz bunday to‘lovlarni qilmay ham ketishimiz mumkin edi. Bosh vazir Tereza Mey kelishuvning yo‘qligi yomon kelishuvdan ko‘ra yaxshi deganda nihoyatda haq edi”, — ta’kidladi tashqi diplomatik idora rahbari.

“Daryo” yangiliklarini Facebook’da kuzatib boring