Mishel Obama AQSh maktablaridagi tushlikni bemaza deb atadi

AQShning sobiq birinchi xonimi Mishel Obama mamlakat maktablarida tushlik uchun beriladigan taomlarni yanada sog‘lomlashtirishga yo‘naltirilgan standartlar kamaytirilganidan so‘ng Donald Tramp ma’muriyatini keskin tanqid qildi. Bu haqda “Gazeta.ru” xabar bermoqda.

“O‘zingiz o‘ylab ko‘ringchi, bolalaringiz bemaza narsani yeyayotgan bir vaqtda kimdir ajoyib hayotda yashamoqda”, — dedi Obama xonim.

Sobiq birinchi xonim hukumat ma’lumotlariga ko‘ra AQShda har beshinchi bola semizlik kasalligiga duchor bo‘lganini qayd etdi.

“Siz biroz to‘xtab, o‘ylab ko‘ring: nimaga farzandlarimiz maktabda yaxshi ovqatlanishini xohlamayapsiz? Sizlarga nima bo‘ldi? Gap shundaki, kimdir shunday munosabatda bo‘layotgan ekan, unga farzandingiz kerak emas”, — ta’kidladi Obama xonim.

“Daryo”ning YouTube’dagi rasmiy sahifasiga obuna bo‘ling