Gretsiyada Afina — Saloniki yo‘nalishidagi yo‘lovchi poyezdi izdan chiqib ketdi

Gretsiyada Afina — Saloniki yo‘nalishidagi Intercity yo‘lovchi poyezdi izdan chiqib ketdi. Bu haqda “Gazeta.ru” xabar bermoqda.

Elektrovoz va besh vagon izdan chiqqani bildirilmoqda. Elektrovoz yo‘l yaqinidagi binoga kelib urilgan.

Poyezdda 100 ga yaqin yo‘lovchi bo‘lgan. Dastlabki ma’lumotlarga ko‘ra, kamida uch kishi, jumladan, mashinist jabrlangan.

Hodisa joyida tez tibbiy yordam va o‘t o‘chiruvchilar brigadalari ishlamoqda. Ular qamalib qolgan yo‘lovchilarga vagonlardan chiqishga ko‘mak bermoqda. Jabrlanganlar kasalxonaga yetkazilmoqda.

“Daryo”ning YouTube’dagi rasmiy sahifasiga obuna bo‘ling