Toshkentdagi ShHT Forumi majlisi ishtirokchilari Islom Karimov qabrini ziyorat qildi

Toshkentda o‘tgan Shanxay hamkorlik tashkiloti Forumining o‘n ikkinchi majlisi ishtirokchilari 13-may kuni Samarqand shahriga keldi. Bu haqda O‘zA xabar bermoqda.

Mehmonlar O‘zbekiston Respublikasining Birinchi Prezidenti Islom Karimov qabrini ziyorat qildi va uning xotirasiga hurmat bajo keltirdi.

Registon maydoni, Amir Temur maqbarasi, Bibixonim masjidi va boshqa tarixiy obidalarga sayohatlar tashkil etildi. Mehmonlarga mazkur maskanlar tarixi, ajdodlarimiz ma’naviy merosi haqida atroflicha ma’lumot berildi. JV Man Auto Uzbekistan qo‘shma korxonasi faoliyati bilan tanishuv ham mehmonlarda katta taassurot qoldirdi.

“Daryo” yangiliklarini Facebook’da kuzatib boring