Xitoyda 23 yil avval 2,4 ming yillik tarixga ega qabrni tunagan shaxs qo‘lga olindi

Xitoy politsiyasi bundan 23 yil avval markaziy Xubey provinsiyasidagi qadimgi qabrni talon-toroj qilishda gumondor shaxsni qo‘lga oldi. Bu haqda provinsiya jamoat xavfsizligi boshqarmasi ma’lum qildi, deb xabar bermoqda “TASS”.

Politsiya xodimlari may oyida gumondor shaxs Li Ixayning qayerda ekanligini aniqladi. Gumondor o‘tgan haftada Xaynan provinsiyasida hibsga olindi.

Li Ixay 1994-yil mart oyida Xubey provinsiyasining Szishan uyezdidagi 300 ta qadimgi qabrdan birini tunashda ishtirok etganlikda gumon qilingan edi. Qabrdan ayol jasadi qoldiqlari va boshqa muhim artefaktlar o‘g‘irlangan edi.

Tunalgan qabr 2,4 ming yillik tarixga ega bo‘lgan.

Politsiya jami 23 nafar gumondor shaxsni hibsga olib, o‘g‘irlangan 20 ta qimmatli buyumni qaytarishga muvaffaq bo‘ldi. Biroq Li Ixay 23 yildan beri bekinib yurgan edi.

“Daryo” yangiliklarini Facebook’da kuzatib boring