Moskvada besh qavatlik uylarni buzish dasturiga qarshi namoyish boshlandi

Moskvaning Saxarov xiyobonida shahar hukumatining besh qavatdan iborat uylarni buzishni ko‘zda tutuvchi yangilash dasturiga qarshi namoyish boshlandi. Bu haqda Meduza xabar bermoqda.

Aksiya tashkilotchilari jami besh minggacha fuqaro ishtirok etadigan namoyish o‘tkazish uchun ruxsat oldi.

Aksiya boshlanishidan yarim soat oldin Saxarov xiyoboniga 3,5 mingga yaqin odam to‘plandi. Aksiya boshlanadigan vaqtda namoyish o‘tkaziladigan joyga kiraverishda minglab kishilardan iborat katta navbatlar hosil bo‘lgani kuzatildi.

Keyinroq ushbu tadbirda ishtirok etish uchun 9 mingdan ziyod kishi kelgani ma’lum qilindi.

“Daryo”ning YouTube’dagi rasmiy sahifasiga obuna bo‘ling