GM Uzbekistan yil boshidan buyon Rossiyada 2,5 mingta avtomobil sotdi

GM Uzbekistan AJ 2017-yilning yanvar—aprelida Rossiyada 2488 ta Ravon avtomobillarini sotdi, deya xabar bermoqda UzDaily Yevropa biznesi assotsiatsiyasi Avtomobil ishlab chiqaruvchilar qo‘mitasiga tayanib.

Qo‘mita ma’lumotlariga ko‘ra, GM Uzbekistan kompaniyasi 2017-yilning aprelida Rossiyada 859 ta Ravon avtomobillarini sotgan.

2017-yil yanvar—aprel yakunlariga ko‘ra, GM Uzbekistanning Rossiya bozoridagi ulushi 0,6 foizni tashkil etdi, u Rossiyada avtomobillar savdosi hajmi bo‘yicha 21-o‘rinni egalladi. GM Uzbekistan modellaridan hech biri hisobot davrida Top-25 bestsellerlar ro‘yxatiga kirmadi.

“Daryo”ning YouTube’dagi rasmiy sahifasiga obuna bo‘ling