Avstraliyalik erkak McDonald’s’ga vertolyotda uchib keldi (video)

Guvohlar 13-may kuni Sidney yaqinidagi MacDonald’s tarmog‘i kafelaridan biri yoniga vertolyot kelib qo‘nganini videoga oldi, deb yozadi TJournal. Uchuvchisi yegulik olish uchun kirdi, so‘ng kuzatuvchilarni hayratda qoldirgan holda uchib ketdi — axir odamlar kimgadir shoshilinch yordam zarur bo‘lib qolgan deb o‘ylagandi-da.

Avstraliya Fuqarolik aviatsiyasi parvozlar xavfsizligi boshqarmasi qayd etishicha, uchuvchi yer egasidan qo‘nish uchun ruxsat olgan bo‘lsa, uning xatti-harakatlari qonunni buzmagan bo‘lishi mumkin. Boshqarma hodisa yuzasidan tekshiruv boshladi.

“Daryo” yangiliklarini Facebook’da kuzatib boring