Cuba Domadores’ga qarshi javob janglarida Shahram G‘iyosov va Bektemir Meliqo‘ziyev ringga chiqadi
20-may kuni WSB doirasida chorak finalning javob janglari bo‘lib o‘tadi. Shu kuni Uzbek Tigers jamoasi Kubada Cuba Domadores’ga qarshi ringga chiqadi.
“Olamsport” nashri o‘zbekistonliklar sharafini himoya qilish uchun Kubaga yo‘l oladigan bokschilar nomiga oydinlik kiritdi. Unga ko‘ra, Rio Olimpiadasida ishtirok etgan Shahram G‘iyosov, Bektemir Meliqo‘ziyev va Bahodir Jalolov qatorida, Jasur Latipov, Elnur Abduraimov kabi sportchilar ham Uzbek Tigers nomidan ringga chiqadi.
-52 kg: Jasur Latipov
-60 kg: Elnur Abduraimov
-69 kg: Shahram G‘iyosov
-81 kg: Bektemir Meliqo‘ziyev
+91 kg: Bahodir Jalolov
Ma’lumot uchun, tomonlarning Samarqand shahrida o‘tgan dastlabki janglari o‘zbekistonliklarning 3:2 hisobidagi g‘alabasi bilan yakuniga yetgandi.
-49 kg: Hasanboy Do‘stmatov — Xoanis Arhilagos Peres — g‘alaba
-56 kg: Murod Ahmadaliyev — Xavyer Ibanyes Dias — g‘alaba
-64 kg: Iqbol Xoldorov — Endi Kruz Gomes — mag‘lubiyat
-75 kg: Isroil Madrimov — Arlen Lopes Kordona — g‘alaba
-91 kg: Sanjar Tursunov — Erislandi Savon — mag‘lubiyat
“Daryo” yangiliklarini “Odnoklassniki”da kuzatib boring