Shavkat Mirziyoyevning yuqori baholangan tashriflari, 99 yoshga to‘lgan O‘zMU, Toshkentning qoida buzish bo‘yicha rekordchi-avtomobillari va kunning boshqa muhim xabarlari

15-mayning e’tiborga molik yangiliklari — “Daryo”ning kechki dayjestida.

1. Shavkat Mirziyoyev “Bir makon, bir yo‘l” xalqaro forumida nutq so‘zladi. Shavkat Mirziyoyevning Rossiya va Xitoyga qilgan tashriflari ekspertlar tomonidan yuksak baholandi.

2. O‘zbekiston Milliy universiteti tashkil etilganiga 99 yil bo‘ldi. 1918-yil 12-mayda tashkil etilgan mazkur oliy ta’lim muassasasida hozirda 37 yo‘nalishda bakalavr va 63 yo‘nalishda magistrlar tayyorlanmoqda.

3. Ekzit-pol: Merkelning partiyasi Germaniyaning asosiy federal o‘lkasidagi saylovlarda g‘alaba qozonmoqda. Joriy saylovlar Angela Merkelning mustahkamligini tekshirish borasida sinov sifatida ko‘rilgan, u sentabrda umumiy saylovlarda qatnashishi kerak.

4. Toshkent hokimligi mashinasi yo‘l harakati qoidabuzarlarining haftalik reytingida uchinchi bo‘ldi. Reytingda birinchi o‘rin — Malibu avtomobili.

5. Boku—2017. Hisobida 5 ta oltin medali bor O‘zbekiston delegatsiyasi 3-o‘ringa chiqib oldi. “Islom birdamligi o‘yinlari”ning 14-may sanasidagi musobaqalarida O‘zbekiston delegatsiyasi 12 ta medalga ega chiqdi.

“Daryo” yangiliklarini “Odnoklassniki”da kuzatib boring