Tailandda mahbuslar qirolning krematsiyasi uchun millionta qog‘oz gul yasaydi

Tailand qamoqxonalari mahbuslari marhum qirol Pxumipon Adulyadetning (Rama IX) tanasini yoqish marosimi uchun maxsus qog‘ozdan millionta gul yasaydi. Qirol o‘tgan yilning oktabrida olamdan o‘tgan edi, deb eslatadi “RIA Novosti”.

Monarx krematsiyasi shu yilning oktabr oyida o‘tkazilishi mo‘ljallangan.

Tailand adliya vazirligi axloq tuzatish departamenti barcha qamoqxonalar qo‘riqlash xizmatlari xodimlari uchun maxsus sandal qog‘ozdan gul yasash bo‘yicha o‘qishlar tashkil etdi. Qo‘riqchilar u yerda hosil qilgan ko‘nikmalarini mahbuslarga o‘rgatadi. Har bir qamoq nechta qog‘oz gul topshirishi belgilab beriladi, gullarning umumiy miqdori esa milliontani tashkil qiladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!