Hillari Klinton yangi siyosiy tashkilot tuzishi haqida ma’lum qildi

AQSh prezidentlik lavozimiga sobiq nomzod Hillari Klinton saylov kampaniyasi davomida o‘zi ilgari surgan tashabbuslarni quvvatlash uchun yangi siyosiy tashkilot tashkil etishi haqida ma’lum qildi. Bu haqda u Twitter’dagi sahifasida ma’lum qildi, deb yozadi “TASS”.

Yangi tashkilot Onward Together (“Birgalikda oldinga” deb tarjima qilish mumkin) nomini oldi.

“Onward Together kishilarni ilhomlantirish va siyosiy jarayonlarda ishtirok etishi, o‘z harakatlarini muvofiqlashtirishi va hatto saylovlarda o‘z nomzodlarini ilgari surishi uchun yo‘lga qo‘ymoqdamiz”, — deb yozdi Klinton.

Onward Together’ning rasmiy saytida uning vazifasi prezidentlik saylovlarida Klinton uchun ovoz bergan 66 millionga yaqin odam qo‘llab-quvvatlagan g‘oyalarni ilgari surishdan iborat ekanligi ma’lum qilingan. Sobiq davlat kotibining saylov kampaniyasi Stronger Together shiori ostida o‘tgan edi.

“Daryo” yangiliklarini Facebook’da kuzatib boring