O‘zbekiston Prezidentining rafiqasi Xitoydagi Yopiq shaharda bo‘ldi

Xitoy rahbarining turmush o‘rtog‘i Pen Liyuan “Bir makon, bir yo‘l” forumida ishtirok etgan davlatlarning birinchi xonimlarini Pekinda joylashgan dunyodagi eng katta saroy kompleksi — Yopiq shaharga taklif etdi. Bu haqda “Kommersant.uz” xabar bermoqda.

Tadbirda O‘zbekiston Prezidentining rafiqasi Ziroatxon Xoshimova qatnashdi.

Mehmonlarga saroy-muzey tarixi haqida hikoya qilindi, ular qadimiy osori-atiqlar ko‘rgazmasini ko‘zdan kechirdi.

Shuningdek, muzey bog‘ida mehmonlarga Pekin nomoddiy merosi dasturi va mahalliy san’atkorlar chiqishi namoyish etildi.

Sayr yakunida Pen Liyuan Xitoy va forumda qatnashgan davlatlar o‘rtasida yanada sermahsul o‘zaro almashinuv va hamkorlik yo‘lga qo‘yilishi istagini bildirdi.

“Daryo” yangiliklarini Facebook’da kuzatib boring