Ekvadorda 250 mln dollar qiymatga ega 5,5 tonna kokain qo‘lga olindi

Ekvador politsiyasi 250 million dollar qiymatga ega, umumiy hajmi 5,53 tonnani tashkil qiluvchi kokainning katta partiyasini ushlab qoldi. Narkotik Yevropaga olib ketilishi ko‘zlangan edi, deb xabar beradi “TASS”.

Giyohvand modda sotuvchilari va ularning yukini ushlash bo‘yicha operatsiya 12-may kuni bo‘lib o‘tdi. Kokain Ekvadorning La-Libertad portidan Panama kanali orqali Ispaniyaga yo‘l olgan yuk kemasi ichida edi. Kema Tinch okeanida ushlab qolindi.

Tintuvdan so‘ng giyohvand moddalar topildi. Kema jamoasi, shuningdek, jinoiy sindikat boshida turgan Ispaniya va Kolumbiya fuqarolari hibsga olindi.

“Daryo” yangiliklarini “Odnoklassniki”da kuzatib boring