O‘zbekiston Xalqaro armiya o‘yinlarida ilk bor ishtirok etadi

Bir qator mamlakatlar Xalqaro armiya o‘yinlarida ilk bor ishtirok etadi. Ular orasida O‘zbekiston ham bor, deb xabar beradi “TASS”.

O‘yinlar tashkiliy qo‘mitasi 32 mamlakat harbiy attashelari bilan o‘tkazilgan majlis chog‘ida tadbirlarga qo‘shilayotgan yangi mamlakatlarni sanab o‘tdi. Bular Isroil, Fiji, JAR, O‘zbekiston, Uganda, Laos va Suriyadir.

O‘yinlar Rossiya, Ozarbayjon, Belarus, Qozog‘iston va Xitoyning 22 poligonida 29-iyundan 12-avgustga qadar o‘tkaziladi. Dastavval 73 mamlakatga taklifnomalar yuborilgan edi. Shulardan 28 tasi rozilik bergani, 16 tasi hali yakuniy qaror qabul qilmagani oldinroq bildirilgan edi.

“Daryo”ning YouTube’dagi rasmiy sahifasiga obuna bo‘ling