Fransiya hukumatining tarkibi e’lon qilindi
Parijda Fransiyaning yangi hukumati tarkibi e’lon qilindi. Vazirlar ro‘yxatini Yelisey saroyi bosh kotibi Aleksi Koler o‘qib berdi, deb xabar qiladi “TASS”.
Yangi vazirlar mahkamasiga 22 kishi — 18 vazir va to‘rt davlat kotibi, 11 erkak va 11 ayol kirdi. Ulardan uch nafari maxsus davlat vaziri maqomiga ega bo‘ldi. Bular: Lion meri, Sotsialistik partiyaning eng nufuzli siyosatchilaridan biri, ichki ishlar vaziri etib tayinlangan Jerar Kolon; “Yashillar”ning ko‘p yillik yetakchisi, ekologik o‘tish vaziri Nikolya Yuro; “Demokratik harakat” yetakchisi, adliya vaziri Fransua Bayru.
Eski hukumat vakillaridan faqat sobiq prezident Fransua Ollandning eng yaqin safdoshlaridan biri Jan-Iv Le Drian vazirlar mahkamasi tarkibida qoldi. 2012–2017-yillarda u mudofaa vaziri sifatida faoliyat yuritgan edi. Yangi mahkamada unga Yevropa va tashqi ishlar vaziri lavozimini egalladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!