“Yuventus” Chempionlar ligasi finali oldidan Italiya kubogini qo‘lga kiritdi

Turinning “Yuventus” klubi Italiya kubogini qo‘lga kiritdi.

Finalda “Latsio”ga qarshi saf tortgan Massimiliano Allegri shogirdlari 2:0 hisobida zafar quchdi. Har ikki gol ham himoyachilar nomiga yozildi.

Turinliklar A seriyaning 36-turida “Roma”ga imkoniyatni boy berib, muddatidan avval Italiya chempioni bo‘lish imkoniyatini kamida bitta turga kechiktirgandi.

“Yuventus” katta ehtimol bilan mamlakat chempionligini ham qo‘lga kiritishi mumkin. Bu borada Allegri jamoasi Chempionlar ligasi finalida ham g‘olib chiqishni niyat qilgan.

Ma’lumot uchun, Yevropa finalidagi raqib “Real” Ispaniya kubogining yarim finaliga ham yetib kela olmagandi.

Italiya kubogi
FINAL
17-may, chorshanba

Gollar: Dani Alvesh, 12 (0:1). Leonardo Bonuchchi, 24 (0:2).

“Daryo”ning YouTube’dagi rasmiy sahifasiga obuna bo‘ling