Christie’s auksionida yurak shaklidagi “Afsona” brillianti salkam 15 mln dollarga sotildi

Jenevadagi savdolar davomida yurak shaklidagi 92 karatli oq brilliant shunday shakldagi qimmatbaho toshlar uchun rekord summa — 14,99 million dollarga sotildi. Bu haqda Christie’s auksion uyi ma’lum qildi, deya xabar beradi “TASS”. 

Eng yuqori rang toifasidagi oq shaffof tosh “Afsona” deb nomlangan. 

U qachondir savdolarga qo‘yilgan shunday turdagi brilliantlar ichida eng yirigi. “Afsona” o‘rnatilgan marvarid shodasi Boehmer et Bassenge zargarlik uyi tomonidan tayyorlandi. 

Savdolar oldidan ekspertlar brilliantni 14 milliondan 20 million dollargacha baholagandi. 

“Daryo” yangiliklarini “Odnoklassniki”da kuzatib boring