Armaniston hukumatining rahbari etib yana Karen Karapetyan tayinlandi

Armaniston prezidenti Karen Karapetyanni Armaniston bosh vaziri etib tayinladi. Bu haqda “TASS” xabar bermoqda.

Bir muddat ilgari mamlakat hukumati iste’foga chiqqani va ularning iste’fosi prezident tomonidan qabul qilingani ma’lum qilingan edi. Karapetyan eski hukumatning ham rahbari edi.

Mamlakat konstitutsiyasiga muvofiq, yangi parlamentning birinchi yig‘ilish kuni hukumat iste’foga chiqishi lozim.

Qonunga muvofiq, yangi bosh vazir o‘n kun ichida tayinlanadi, yangi hukumatning shakllantirilishiga esa yana 20 kun vaqt beriladi.

“Gazprom”ning sobiq top-menejeri Karen Karapetyan 2016-yil sentabrida bosh vazir etib tayinlangan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!