Nyu-Yorkda avtomobil katta tezlikda odamlar guruhini urib ketdi

Nyu-York markazidagi Tayms-Skver maydonida bir avtomobil katta tezlikda odamlar guruhini urib ketdi. Bu haqda Metro nashri xabar berdi.

Guvohlar ijtimoiy tarmoqlarga voqea joyida olingan suratlarni joylab bormoqda. Suratlardan ma’lum bo‘lishicha, mashina bir tomonga ag‘darilib, tutab ketgan va ishdan chiqqan.

Bir necha kishi jarohat oldi, shifokorlar ularga yordam ko‘rsatmoqda. O‘z navbatida, Reuters kamida bir kishi halok bo‘lganini yozmoqda. Agentlikning qayd etishicha, hujum qasddan uyushtirilgan edi.

“Daryo” yangiliklarini Facebook’da kuzatib boring