Foto: Amerikalik ayol 10 mingta konfet o‘rovidan ko‘ylak yaratdi

AQShning Pensilvaniya shtatida istiqomat qiluvchi Emili Seylxamer ismli ayol 10 mingta Starburst konfeti o‘rovidan ko‘ylak yaratdi. U o‘zi yaratgan kiyimni kiyib, suratga tushdi va ularni Facebook’dagi sahifasiga joyladi.

Mashable’ning yozishicha, rassom Emili Seylxamer turmush o‘rtog‘i bilan o‘zi yoqtiradigan Starburst konfeti yordamida tanishgan. O‘shanda Emilining bo‘lajak eri uni konfet bilan mehmon qilgan. Ayol eridan konfetlar o‘rovini tashlab yubormaslikni so‘radi va ma’lum muddatdan keyin bir qop turli rangdagi qog‘ozchalar to‘plandi.

Seylxamerning aytishicha, ko‘ylakni yaratish og‘ir jarayon bo‘lmadi, ammo ancha vaqtni oldi. U har bir o‘rovni dazmol yordamida tekislab, elastik ip yordamida bir-biriga yopishtirgan.

Starburst bir nechta rangdagi konfet o‘rovlarini ishlab chiqarishni tugatgani uchun, ayol ko‘ylak dizaynini bir necha bor o‘zgartirishga majbur bo‘lgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!