18-may kuni Toshkentdagi YTHlarda ikki kishi halok bo‘ldi

18-may kuni Toshkent shahri hududida beshta yo‘l-transport hodisalari qayd etilib, ularda besh kishi tan jarohati oldi, ikki kishi Mirzo Ulug‘bek va Uchtepa tumanlarida vafot etdi. Bu haqda Toshkent shahar IIBB rasmiy sayti ma’lum qildi.

Shuningdek, hisobot davrida YPX inspektorlari tomonidan jami 3635 ta qoidabuzarliklar bo‘yicha ma’muriy bayonnomalar rasmiylashtirilgan bo‘lib, shulardan, 1141 tasini qo‘pol turdagi qoidabuzarliklar, 30 tasini mast holda transport vositasini boshqarish huquqbuzarliklari tashkil etadi.

Toshkent shahar Ichki ishlar bosh boshqarmasi Yo‘l harakati xavfsizligi boshqarmasining Yo‘l harakati xavfsizligi va jamoat tartibini saqlashning kompyuterlashtirilgan boshqaruv tizimi tomonidan jami 1059 ta qoidabuzarliklar qayd etilgan bo‘lib, shulardan 618 tasini svetoforning taqiqlovchi signaliga bo‘ysunmasdan harakatlangan, 441 tasini belgilangan tezlikni me’yoridan yuqori tezlikda harakatlanish qoidabuzarliklari tashkil etadi.

“Daryo” yangiliklarini “Odnoklassniki”da kuzatib boring