Teraktlar Yevropa aviakompaniyalariga 2,5 mlrd dollar zarar keltirdi

2015-yil oxiri va 2016-yil boshida Parij va Bryusselda sodir etilgan teraktlar oqibatida Yevropa aviakompaniyalari 2,5 milliard dollar yo‘qotdi. Bu haqda Xalqaro havo transporti uyushmasi (IATA) hisobotida aytildi.

Daromadlarning tushishi aviatashuvga bo‘lgan talabning kamayib ketishi bilan bog‘liq. Odamlar terrorchilik aktlaridan cho‘chib qolgani bunga sabab bo‘lgani aytilmoqda.

Yo‘lovchi oqimining kamayishi 1,6 foizga baholandi. Ammo bu tushish qisqa muddatli bo‘lib, 2016-yil iyuniga kelib o‘sish qayta tiklandi va hatto o‘rtacha ko‘rsatkichlardan o‘tib ketdi. Bunday dinamikani IATA mutaxassislari Yevropada iqtisodiy vaziyatning yaxshilanishi va chiptalar narxining tushishi bilan bog‘lamoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!