Tramp IShIDga qarshi kurashni yanada faollashtirishga topshiriq berdi

AQSh prezidenti Donald Tramp IShIDga qarshi kurashni yanada jonlantirish haqida topshiriq berdi. Bu haqda jurnalistlarga Pentagon rahbari Jeyms Mettis ma’lumot berdi, deb xabar qiladi “RIA Novosti”.

“Prezident Tramp mudofaa vazirligi barcha vazirliklar bilan birga kampaniyani batafsil qayta ko‘rib chiqishini aytdi. Biz ushbu hisobotni tayyorladik, va, hujjatni ko‘rib chiqqach, u IShIDga qarshi kampaniyani yanada jadallashtirishni topshirdi”, — ma’lum qildi Mettis.

U boshqa tafsilotlarni keltirmadi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!